Search This Blog

Tuesday, October 10, 2017

டெங்கு காய்ச்சலுக்கு சித்த மருத்துவம்

தமிழகத்தை வாட்டி வதைக்கும் டெங்கு காய்ச்சல் சித்த மருத்துவத்தால் குணப்படுத்தக் கூடிய ஒரு காய்ச்சல் தான். இதற்கு நாட்டு மருந்து கடையில் கிடைக்கக் கூடிய திருகடுகு சூரணம் , லிங்க செந்தூரம் ஆகியவற்றை வாங்க வேண்டும்.
அதில் இரண்டிலும் இரண்டு சிட்டிகை அளவு எடுத்து அதில் தேன் கலந்து சாப்பிட்டால் சாப்பிட்ட ஒரு மணி நேரத்தில் காய்ச்சல் குறைய துவங்கும் . தொடர்ந்து இவ்வாறு 3 வேளை சாப்பிட்டால் காய்ச்சல் பூரண குணமாகும்.
அது போல உடல் சரியாகும் வரை தினமும் 3 வேளை சாப்பட்டுக்கு முன் நிலவேம்பு  கசாயம் குடிக்க வேண்டும். 
காய்ச்சல் காலத்தில் கஞ்சி சாதம் மட்டுமே சாப்பிட வேண்டும்.

🌷 மண்ணச்சநல்லூரில் அதிசியம் டெங்கு காய்ச்சலுக்கு தமிழ் பதி மருந்து,  மருந்து சாப்பிட்ட ஒரு மணி நேரத்தில் காய்ச்சல் குறைகிறது மதுரை தமிழ் பதி சித்த  மருத்துவர் கவிஞர் கலையரசன் மருந்து தருகிறார்
அணுக வேண்டிய  முகவரி
சுகம் சித்தா கிளினிக் மண்ணச்சநல்லூர்
செல் நம்பர்.99655 65 174
94860 65 174
முடிந்த வரை பரப்புங்கள் பல உயிர்கள் காக்கப்படட்டும்

Sunday, September 17, 2017

ஆதார் எண் இணைப்புக்கான காலக்கெடு தேதிகள்






பான் கார்டு, சிம் கார்டு உள்ளிட்டவற்றுடன் ஆதார் எண்ணை இணைப்பதற்கான காலக்கெடுவை மத்திய அரசு தெரிவித்துள்ளது.

ஆதார் எண் அறிமுகம் செய்யப்பட்டபோது சமூக நலத்திட்டங்களுக்கு மட்டும் தான் கட்டாயம் என்று மத்திய அரசு தெரிவித்தது. ஆனால் இன்று ஆதார் எண் எல்லாவற்றிற்கும் கட்டாயமாகி வருகிறது. விமான நிலையத்தில் நுழைவதற்கும் கட்டாயமாக்கப்பட்டுள்ளது.

சிலிண்டர் மானியம் முதல், வங்கிக் கணக்கு, பான் எண், செல்போன் எண் உள்பட பல ஆவணங்களுடன் ஆதார் எண்ணை இணைக்க வேண்டும் என மத்திய அரசு அறிவித்துள்ளது. கடைசியாக ஆதாருடன் இணைக்கப்படாத சிம் கார்டுகளின் இணைப்பு துண்டிக்கப்படும் என்று மத்திய அரசு தெரிவித்து இருந்தது. இதனால் சேவைகளை தொடர்ந்து பயன்படுத்த பலரும் தங்களது ஆதார் எண்ணை சிம் கார்டுடன் இணைக்கும் முயற்சியில் ஈடுபட்டு வருகின்றனர்.

ஆதார் இணைப்புக்கான காலக்கெடு தேதிகள்:

சிம் கார்டு - பிப்ரவரி 2018

பான் கார்டு - டிசம்பர் 31, 2017

வங்கி கணக்குகள் - டிசம்பர் 31, 2017

சமூக நலத் திட்டங்கள் - டிசம்பர் 31, 2017

இதனிடையே, ஓட்டுநர் உரிமத்துடன் ஆதார் எண்ணை இணைக்க திட்டமிட்டு வருவதாக மத்திய அரசு தெரிவித்துள்ளது குறிப்பிடத்தக்கது.

Monday, September 11, 2017

நிலம் வாங்கும்போதோ (அ) விற்கும்போதோ இத்தனை ஆவணங்களைச் சரிபார்க்கணும்.


பொதுவாக மக்களுக்கு நிலம் வாங்கும்போதும், விற்கும்போதும் என்னென்ன ஆவணங்கள் சரிபார்க்க வேண்டும், அது தமிழ்நாடு அரசின் எந்தெந்த துறைகளின்கீழ் வருகிறது என்பது போன்ற விவரங்கள் தெரிவதில்லை.

நிலத்தை வாங்கும் போது ஆவணங்களைச் சரிபார்ப்ப து மிகக் கடினமான ஒன்றாக கருதப்படுகிறது. அதைப் பற்றிய முழு விவரங்கள் தெரிந்து கொண்டால் அடிப்படையான விஷயங்களை நாமே ஆவணங்களைப் பார்த்து தெரிந்து கொள்ளலாம்.

புல எண் (Survey Number) :

ஒவ்வொரு மாவட்டமும் பல வட்டங்களாகவும் வட்டங்கள் பல கிராமங்களாகவும் பிரிக்கப்பட்டிருக்கும். கிராமங்களின் கீழ் நிலங்கள் பல பகுதிகளாகப் பிரிக்கப்பட்டு ஒவ்வொரு பகுதிக்கும் ஒரு இலக்கம் இடப்படும்.

அதற்குப் புல எண் (survey Number) என்று பெயர்.

நிலம் தொடர்பான விவரங்கள் இருதுறைகளில் பராமரிக்கப்படுகின்றன.

** பதிவுத்துறை

** வருவாய்த்துறை

1. பதிவுத்துறை:

நாம் சொத்து வாங்கும் போது அல்லது விற்கும் போது அந்தக் கிரயப் பத்திரத்தை சார்பதிவாளர் அலுவலகத்தில் தான் பதிவு செய்ய வேண்டும். மேலும் நீங்கள் வாங்கவிருக்கும் நிலம், விற்பவரின் அனுபவத்தில் இருக்கும் போது அந்த நிலதின் உரிமை யாளர் யார்? எத்தனை பேர் மற்றும் அந்த நிலம் அட மானத்தில் உள்ளதா? அல்லது அந்த நிலத்தின் மீது வழக்கு எதாவது நடந்து வுருகிறதா?  என்பன போன்ற கேள்விகளுக்கு பத்திர பதிவு அலுவலகத்தில் வில்லங்க சான்று கேட்டு மனு செய்து அதில் வில்லங்கங்கள் எதுவும் இல்லை என்பதை உறுதி செய்துகொள்ள வேண்டும்

2. வருவாய்த்துறை:

இந்த துறையில்தான் நிலத்திற்கான விவரங்கள் கீழ்க் கண்ட பதிவேட்டில் இருக்கும்.

பட்டா (Patta)

சிட்டா (Chitta)

அடங்கல் (Adangal)

அ’ பதிவேடு (‘A’ Register)

நிலத்திற்கான வரைபட எல்லை (FMB)

பட்டா

நிலத்தின் உரிமை, நமக்குத்தான் இருக்கிறது என்பதற் கான ஆதாரம் பட்டாவாகும். பட்டாவை வைத்துதான் ஒரு நிலத்தின் உரிமை, யாருக்கு என்பதை முடிவு செய்யப்படுகின்றது. பின்வரும் விவரங்கள் பட்டாவில் இருக்கும்.

1. மாவட்டத்தின் பெயர், வட்டத்தின் பெயர் மற்றும் கிராமத்தின் பெயர்
2. பட்டா எண்
3. உரிமையாளர் பெயர்
4. புல எண்ணும் உட்பிரிவும் (Survey Number and Sub division)
5. நன்செய் நிலமா அல்லது புன்செய் நிலமா
6. நிலத்தின் பரப்பு மற்றும் தீர்வை

சிட்டா

ஒரு தனி நபருக்குக் குறிப்பிட்ட கிராமத்தில் எவ்வளவு நிலம் இருக்கிறதென்று அரசாங்கம் வைத்திருக்கும் பதிவேடு. இதில் சொத்தின் உரிமையாளர் பெயர், பட் டா எண்கள், நிலம் நன்செய் அல்லது புன்செய் பயன் பாடு, தீர்வை கட்டிய விவரங்கள் எல்லாம் இருக்கும்.

அடங்கல்

ஒரு கிராமத்தில் இருக்கிற மொத்த சர்வே எண்கள் அடங்கிய பதிவேடு. இதில் குறிப்பிட்ட சர்வே எண்ணு க்கு உரிய நிலம் யார் பெயரில் இருக்கிறது, பட்டா எண் மற்றும் நிலத்தின் பயன்பாடு என்பன போன்ற விவர ங்கள் இதில் இருக்கும்.

அ’ பதிவேடு

இப்பதிவேட்டில் பழைய நில அளவை எண், உட்பிரிவு எண், ரயத்துவாரி (ர), சர்க்கார் (ச), அல்லது இனாம் (இ), நன்செய் (ந), புன்செய் (பு), மானாவாரி (மா), தீர்வு ஏற்படாத தரிசு (தீ.ஏ.த), புறம்போக்கு, பட்டா எண் மற்றும் பதிவு பெற்ற உடைமையாளரின் பெயர், நிலத்தின் பரப்பு மற்றும் தீர்வை,போன்ற விவரங்க ள் இருக்கும்.

நிலத்திற்கான வரைபட எல்லை

நிலத்திற்கான வரைபடம். இது இடம் எவ்வாறு பல பகுதிகளாக பிரிக்கப்பட்டுள்ளது என்பதைக் காட்டுகிறது.

கிரையப் பத்திரம்

சொத்து வாங்கும் போது அல்லது விற்கும் போது அந்த க் கிரயப் பத்திரத்தைச் சார் பதிவாளர் அலுவலகத்தில் (Sub Registration office) பதிவு செய்ய வேண்டும். கிரை யப் பத்திரத்தில் கீழ்க்கண்ட முக்கியமான விவரங்கள் இருக்கும்.

1. எழுதிக் கொடுப்பவரின் பெயர், முகவரி
2. எழுதி வாங்குபவரின் பெயர், முகவரி
3. எவ்வளவு அளவு
4. எவ்வளவு தொகைக்கு விற்கப்படுகிறது
5. சொத்து விவரம்

சொத்து விவரத்தில் நாம் வாங்கும் நிலத்தின் அளவு, அது எந்தப் புல எண்ணில் அமைந்திருக்கிறது, பட்டா எண், அது எந்தக் கிராமத்தில் இருக்கிறது மற்றும் வட் டம், மாவட்டம் பற்றிய விவரங்கள் இருக்கும். நிலம் வீட்டு மனையாக இருந்தால் அதனுடைய அங்கீகாரம் பெற்ற விவரங்கள் மற்றும் பிளாட் எண் முதலியவை இருக்கும்.

கிரையப் பத்திர முதல் தாளின் பின் பக்கம் சார்பதிவாளர் அலுவலகத்தில் பதிவு செய்யப்பட்ட முழு விவரங்கள் இருக்கும்.

Thursday, September 07, 2017

ரூ.10 நாணயங்கள் செல்லும்: ஆர்பிஐ





புழக்கத்தில் உள்ள அனைத்து பத்து ரூபாய் நாணயங்களும் செல்லும்; இதுதொடர்பான வதந்திகளை பொதுமக்கள் நம்ப வேண்டாம் என ரிசர்வ் வங்கி (ஆர்பிஐ) அறிவித்துள்ளது.
இதுகுறித்து ஆர்பிஐ வெளியிட்டுள்ள செய்திக்குறிப்பு:
ரூபாய் நோட்டுகளை விட நாணயங்கள் நீண்டகாலத்திற்கு புழக்கத்தில் இருக்கும். ஆகவே ஒரே மதிப்பில் வெவ்வேறு வடிவங்கள் மற்றும் அளவுகளில் நாணயங்கள் புழக்கத்தில் இருந்து வருகின்றன. அந்த வகையில் புழக்கத்தில் உள்ள 10 ரூபாய் நாணயங்களிலும் அவ்வப்போது பல்வேறு மாற்றங்கள் செய்யப்பட்டு தயாரிக்கப்பட்டன. ஏற்கெனவே, புழக்கத்தில் உள்ள 10 ரூபாய் நாணயங்களிலிருந்து அவை சற்றே மாறுபட்டு காணப்படுகிறது. என்றாலும், இரண்டுமே சட்டப்படி செல்லுபடியாகும். மேலும், அனைத்துவிதமான பரிவர்த்தனைகளுக்கும் ஏற்றவை.
எனினும், பத்து ரூபாய் நாணயங்கள் குறித்து தேவையற்ற வதந்திகள் பரப்பப்படுவதால் சில இடங்களில் இந்த நாணயங்களை பெற்றுக் கொள்வதில் பொதுமக்கள் தயக்கம் காட்டுகின்றனர். கடைகளிலும் இந்த நாணயங்களை பெற்றுக் கொள்வதில்லை என்ற தகவல்கள் வருகின்றன. 10 ரூபாய் நாணயங்கள் சட்டப்படி செல்லுபடியாகும் என்பதை ரிசர்வ் வங்கி மீண்டும் ஒரு முறை உறுதிபடுத்துகிறது.
எனவே பொதுமக்கள், 10 ரூபாய் நாணயங்கள் செல்லாது என்று பரவி வரும் வதந்திகளை நம்ப வேண்டாம். புதிய மற்றும் பழைய 10 ரூபாய் நாணயங்கள் அனைத்தும் புழக்கத்தில் நீடிக்கும். எனவே, பொதுமக்களும், வணிகர்களும் 10 ரூபாய் நாணயங்களை பயன்படுத்துவதற்கு தடையேதும் கிடையாது என அதில் தெரிவிக்கப்பட்டுள்ளது.

Monday, August 07, 2017

இன்றைய நடைமுறை வாழ்க்கை கதை

          
       😊👍🙏ஒரு கிராமம்.
சிறுவன் ஒருவன் ஏரிக்கரையில் விளையாடிக் கொண்டு இருக்கிறான்.

அப்போது, “என்னை காப்பாற்று, காப்பாற்று“ என்று ஓர் அலறல். ஆற்றோரத் தண்ணீரில், வலைக்குள் சிக்கி இருக்கும் முதலை ஒன்று சிறுவனைப் பார்த்துப் பரிதாபமாக கதறுகிறது.

’மாட்டேன். உன்னை விடுவித்தால் என்னை விழுங்கி விடுவாய். காப்பாற்ற மாட்டேன்’ என மறுக்கிறான் சிறுவன்.

ஆனால் முதலை, “நான் உன்னை சத்தியமாகச் சாப்பிட மாட்டேன். என்னை காப்பாற்று” என்று கண்ணீர் விடுகிறது.

முதலையின் பேச்சை நம்பி, சிறுவனும் வலையை அறுக்க ஆரம்பிக்கிறான். அறுத்து முடிப்பதற்குள், சிறுவனின் காலைப் பிடித்துக் கொண்டது .

”பாவி முதலையே இது நியாயமா? என்று சிறுவன் கண்ணீருடன் கேட்க,

“அதற்கென்ன செய்வது, பசி வந்தால் பத்தும் பறந்துவிடும். இதுதான் உலகம். இதுதான் வாழ்க்கை” என்று சொல்லிவிட்டு விழுங்க ஆரம்பித்தது முதலை.

சிறுவனுக்கு சாவது பற்றிக்கூட கவலை இல்லை. முதலை ஏமாற்றி விட்டதோடு மட்டும் அல்லாமல், நன்றிகெட்டதனத்தை, ’இதுதான் உலகம்’ என்று சொல்வதை அவனால் ஏற்றுக் கொள்ளமுடியவில்லை.

மரத்திலிருந்த பறவைகளைப் பார்த்துக் கேட்டான். இதுதான் உலகமா?. அதற்கு பறவைகள், ”எத்தனையோ பாதுகாப்பாக மரத்தின் உச்சியில் நாங்கள் முட்டையிடுகிறோம். ஆனாலும், பாம்புகள் முட்டைகளை குடித்து விடுகின்றன. அதனால், இதுதான் உலகம்” என்று சொல்கின்றன.

அங்கு மேய்ந்து கொண்டு இருக்கும் கழுதைகளைப் பார்த்து கேட்கின்றான். ”நாங்கள் இளமையாக இருந்த காலத்தில் அதிகபடியான சுமைகளை சுமக்க செய்து, அடித்து, சக்கையாக வேலை வாங்குகிறார்கள். எங்களுக்கு வயதாகி, நடை தளர்ந்தவுடன், தீனி போட முடியாது என்று விரட்டிவிடுவதால், முதலை சொல்வது சரிதான்” என்கின்றன.

ஆடுகளை கேட்கிறான். ”எங்களுக்கு இரை போட்டு வளர்ப்பவர்களே, எங்களை இரையாக்கி கொள்வதால், முதலை சொல்வது சரிதான்” என ஆமோதிக்கின்றன.

கடைசியாக ஒரு முயலைப் பார்த்துக் கேட்கின்றான். “இதுவல்ல உலகம். முதலை பிதற்றுகிறது” என முயல் சொல்ல, முதலைக்கு கோபம் வந்துவிடுகிறது.

‘சிறு முயல் உனக்கு என்ன தெரியும்?’ என்று முதலை சொல்லவும்,

’நீ பேசுவது சரியாக புரியவில்லை, தெளிவாக பேசு’ என்கிறது முயல்.

காலை விட்டால் சிறுவன் ஓடிவிடுவான் என்ற முதலையைப் பார்த்து, முயல் பெரிதாக சிரித்தது.

உன் வாலை வைத்து அவனை அடித்து விடமுடியாதா? ஒரே அடியில் அவனை வீழ்த்திவிடமுடியும் உன்னால் என்றவுடன், கர்வத்துடன் காலை விட்டுவிட்டு, இதுதான் உலகம் என பேச துவங்கியது முதலை.

முயல் சிறுவனைப் பார்த்து ‘நிற்காதே! ஓடிவிடு’ என்கிறது.

சிறுவன் ஓடிவிடுகிறான். வாலால் அடித்து விடலாம் என நினைத்த முதலைக்கு ஏமாற்றமாகப் போய்விடுகிறது, வலையில் சிக்கியிருக்கும் வால் பகுதியை விடுவிப்பதற்குள் சிறுவனை பிடித்தது நினைவுக்கு வருகிறது.

கோபத்துடன் முயலைப் பார்க்க, ”புரிந்ததா? இதுதான் உலகம். இதுதான் வாழ்க்கை” என்கிறது முயல்.

தப்பி ஓடிய சிறுவன் கிராமத்தினரை அழைத்துவர, அவர்கள் முதலையை கொன்றுவிடுகின்றனர்.

சிறுவனோடு வந்த வளர்ப்பு நாய், புத்திசாலி முயலை பாய்ந்து பிடிக்கிறது. சிறுவன் காப்பாற்றுவதற்குள் முயலை நாய் கொன்றுவிடுகிறது.

உயிராக வளர்த்த நாய்தான் என்றாலும், உயிரைக் காப்பாற்றிய முயலை கொன்றுவிட்டதை; அவனால் சகித்துக் கொள்ளமுடியவில்லை.
கல்லெடுத்து எறிந்து நாயை விரட்டிவிடுகிறான்.

உதவி செய்தவர்களுக்கு உபத்திரவம் ஏற்படுவதும், நேசித்தவர்களையே வெறுக்க நேரிடுவதும்  அவனை குழப்பிவிடுகிறது.

இதுதான் உலகமா?
இதுதான் வாழ்க்கையா? என்ற கேள்விக்கு பதில் சொல்வார் யாருமில்லை!.

முன்னுக்குப்பின் முரணனானதாகவும், எதிரும் புதிருமான நிகழ்வுகள்தான் வாழ்க்கை!.

அடுத்த நொடிகளில் நடக்க இருப்பது, அதிர்ச்சிகளா? ஆச்சரியங்களா? என அறியமுடியாமல் இருப்பதுதான் வாழ்க்கையின் சுவராஸ்யம்.

      "வாழ்க்கையை புரிந்துகொள்ளமுடியாது. புரிய வைக்கவும் முடியாது. (எதிர் வருவதை) எது நடந்தாலும் ஏற்றுக்கொண்டு, முன்னேறுவதுதான் வாழ்க்கை"....

நெட் தேர்வுக்கு 11 முதல் ஆன்லைனில் விண்ணப்பிக்கலாம்: ஆதார் எண் கட்டாயம்


நவம்பர் மாதம் நடைபெற உள்ள கல்லூரி ஆசிரியர் பணியில் சேருவதற்கான நெட் தகுதித் தேர்வுக்கான நெட் தேர்விற்கு ஆகஸ்ட் 11 விண்ணப்பிக்கலாம் என்று மத்திய இடைநிலைக் கல்வி வாரியம் (சிபிஎஸ்இ) அறிவித்துள்ளது.

பல்கலைக்கழகங்கள் மற்றும் கல்லூரிகளில் உதவி பேராசிரியர் பணியில் சேர்வதற்கும், ஆராய்ச்சி மாணவர்கள் மத்திய அரசின் இளநிலை ஆராய்ச்சி உதவித்தொகையை பெறுதற்கும் தேசிய அளவிலான நெட் என்கிற தகுதித்தேர்வை மத்திய இடைநிலைக் கல்வி வாரியமான சிபிஎஸ்இ நடத்துகிறது.

இந்தத் தேர்வானது வரும் நவம்பர் மாதம் 5 ஆம் தேதி ஞாயிற்றுக்கிழமை நடைபெற உள்ளது.  இதற்கு சி.பி.எஸ்.இ.  http://cbsenet.nic.in என்ற இணையதளம் மூலம் ஆன்லைனில் ஆகஸ்ட் 11 முதல் செப்டம்பர் 11 ஆம் தேதி வரை விண்ணப்பிக்கலாம்.


🍀செப்டம்பர் 12க்குள் கட்டணம் செலுத்தலாம்.

ஆன்லைன் விண்ணப்பத்தில் ஆதார் எண், பெயர், பிறந்த தேதி, பாலினம் உள்ளிட்ட விவரங்களைப் பதிவு செய்வது கட்டாயமாக்கப்பட்டுள்ளது. இதுவரை ஆதார் எடுக்காத விண்ணப்பதாரர்கள், உடனடியாக அதற்கு விண்ணப்பிப்பது அவசியமாகும்.

ஆகஸ்ட் 4 ஆம் தேதி இதுகுறித்த முழுமையான அறிவிப்பு வெளியிடப்படும் என தெரிவிக்கப்பட்டுள்ளது.

Monday, July 24, 2017

பாஸ்போர்ட் விண்ணபிக்க இனி இது தேவையில்லை!!


இனி பாஸ்போர்ட் பெற விண்ணப்பிப்பவர்கள் பிறப்பு சான்றிதழ் அளிக்க வேண்டிய அவசியம் இல்லை என மத்திய அரசு தெரிவித்துள்ளது.

பாஸ்போர்ட் பெற விண்ணப்பிப்பவர்கள், பிறப்புச் சான்றிதழை கட்டாயமாக வைக்க வேண்டும். இந்த வழிமுறை தற்போது மாற்றியமைக்கப்பட்டுள்ளது. 

பிறப்பு சான்றிதழுக்கு பதிலாகப் பிறந்த தேதியை உறுதிப்படுத்த ஆதார், பான் அட்டை அல்லது வாக்காளர் அடையாள அட்டை உள்ளிட்டவற்றை பயன்படுத்தலாம் என அறிவிக்கப்பட்டுள்ளது. 

மேலும், அரசு ஊழியர்களாக இருந்தால் பணி அனுபவச் சான்று, ஓய்வூதியச் சான்று போதுமானவை என தெரிவிக்கப்பட்டுள்ளது.

பாஸ்போர்டுக்காக ஆன்லைனில் விண்ணப்பம் செய்பவர்கள், தந்தை அல்லது தாயின் பெயரை மட்டும் குறிப்பிட்டால் போதுமானது. திருமணமானவர்கள் தங்களது திருமண சான்றிதழை விண்ணப்பத்தின் போது அளிக்கத் தேவையில்லை.

பாஸ்போர்ட் விண்ணப்பத்துடன் இணைக்கப்படும் சான்றுகள் 15-ல் இருந்து 9 ஆக குறைக்கப்பட்டுள்ளது என்பது குறிப்பிடத்தக்கது. 






Sunday, July 23, 2017

அச்சுறுத்தும் டெங்கு காய்ச்சலில் இருந்து எப்படி தப்பிக்கலாம்?


👉 பருவநிலை மாற்றத்தால் பலருக்கு உடல் நல குறைவு ஏற்படுகிறது. இதில் தற்போது அதிகமாக மக்களை தாக்கி வரும் நோய் தான் டெங்கு. டெங்கு காய்ச்சலானது பகலில் கடிக்கும் கொசுக்கள் மூலம் அதிகமாக பரவுகிறது.

👽டெங்கு என்றால் என்ன?

டெங்கு என்ற வைரஸ் நம் உடலைத் தாக்கும்போது ஏற்படும் காய்ச்சல்தான் பேச்சு வழக்கில் டெங்கு என அழைக்கப்படுகிறது. ஏடஸ் என்ற வகைக் கொசுக்களால் - குறிப்பாக ஏடஸ் எஜிப்டி (யுநனநள யநபலிவi) என்ற வகைக் கொசுவால் டெங்கு பரவுகிறது. இந்த கொசு அநேகமாக வீட்டினுள் பதுங்கி இருக்கும்.

இந்த கொசு மழை காலங்களில் இனபெருக்கம் செய்யும். மழை இல்லாத காலங்களில், தண்ணீர் தேங்கும் பூச்சாடிகள், பிளாஸ்டிக் பைகள், கேன்கள், தேங்காய் மட்டைகள், டயர்கள் போன்றவற்றில் இனப்பெருக்கம் செய்கிறது.

😷 டெங்கு அறிகுறிகள் :

🌟கொசு கடித்து நோய் வர 5 முதல் 15 நாள் வரை ஆகும்.

🌟ஆரம்பத்தில் குளிர் ஜுரம், தலைவலி, கண்ணை சுற்றி வலி, முதுகு வலி, பின்னர் கடுமையான கால் மற்றும் மூட்டு வலி போன்றவை வந்து சில மணி நேரத்தில் காய்ச்சல் வரும்.

🌟காய்ச்சல் 104 பாரன்ஹீட் வரை போகலாம். நாடித்துடிப்பு குறைதல், ரத்த அழுத்தம் குறைதல் போன்றவை ஏற்படும்.

டெங்கு காய்ச்சல் குணமாக : 👉 டெங்கு காய்ச்சலால் பாதிக்கப்பட்டவர்களுக்கு சிறந்த மருந்தாக பப்பாளி இலைச்சாறு, மலைவேம்பு இலைச்சாறு, நிலவேம்பு சாறு போன்றவைகளை அளித்தால், அவர்கள் மிக விரைவில் குணமடைவார்கள்.

எவ்வாறு தயாரிப்பது?

🍓பப்பாளி இலை சாறு :
👉 புதிதாக பறித்த பப்பாளி இலைகளை காம்புகளை அகற்றிவிட்டு சிறிதளவு தண்ணீர் ஊற்றி அரைத்து அதை வடிகட்டி கொள்ளவும். இதை 10 மில்லி என்ற கணக்கில் நாளொன்றுக்கு 4-5 முறை பருகி வர வேண்டும். இதனால் டெங்கு காய்ச்சலானது கட்டுப்படுத்தப்படும்.

🍃 மலைவேம்பு இலைச்சாறு :
👉 மலைவேம்பு இலைகளை சிறிது தண்ணீர் சேர்த்து அரைத்து வடிகட்டி எடுத்துக் கொள்ளவும். 10 மில்லி வீதம் தினமும் இரண்டு அல்லது மூன்று முறை பருக வேண்டும். மலைவேம்பு இலைச்சாறு டெங்கு வைரஸ்களை எதிர்க்கும் சக்தி கொண்டது.

🍂நிலவேம்பு குடிநீர் : 👉 நிலவேம்பு குடிநீர் என்பது நிலவேம்பு, சுக்கு, மிளகு, பற்படாகம், விலாமிச்சை, சந்தனம், பேய்புடல், கோரைக்கிழங்கு, வெட்டிவேர் ஆகியவற்றை தேவையான அளவு தண்ணீர் சேர்த்து கொதிக்க வைக்க வேண்டும். 50 மில்லி வீதம் நாளொன்றுக்கு இருவேளை அருந்த வேண்டும்.

இதுபோல, டெங்கு காய்ச்சலால் போராடிக் கொண்டிருப்பவர்களுக்கு கஞ்சி தான் மிகமிகச் சிறந்த உணவாகும்.

🍎நிறையப் பழச்சாறுகளைக் குடிப்பதாலும் டெங்கு காய்ச்சலிலிருந்து தப்பிக்கலாம்.

🍊அதிலும் வைட்டமின் சி அதிகமுள்ள ஸ்ட்ராபெர்ரி, கொய்யா, கிவி, பப்பாளி உள்ளிட்ட பழங்களின் சாற்றைக் குடிக்கலாம்.

🍲புரோட்டீன் அதிகமுள்ள உணவுகளை உண்பதாலும் டெங்கு காய்ச்சலை விரட்டலாம்.

🍳பால், முட்டை, மீன், சிக்கன் ஆகியவற்றை சாப்பிடுவது நலம்.

🍢புரோட்டீன் அதிகமுள்ள உணவுகளை உண்பதாலும் டெங்கு காய்ச்சலை விரட்டலாம்.

🌴 இளநீரை நிறையக் குடிப்பதாலும் டெங்கு காய்ச்சல் விரைவில் குணமாகும்.
மேற்கண்ட முறைகளின் மூலம் டெங்கு காய்ச்சலை கட்டுப்படுத்த முடியும்.

👆 நாம் போராட வேண்டியது மனிதர்களிடம் இல்லை...! கொசுக்களிடம் !

👀விழித்திரு மனிதா!

💀இந்த டெங்குவில் இருந்து தப்பிக்க...! !

அசத்தும் ஜியோவின் அடுத்த அதிரடி !

😃😊😄🍀🐔🐵🙈🙉

🔱 தகவல் தொடர்புத் துறையில் கடந்த ஆண்டு செப்டம்பர் மாதம் துவங்கப்பட்ட ரிலையன்ஸ் ஜியோ இலவச சேவையால் இந்திய டெலிகாம் சந்தையில் சேவைகளின் விலை குறையத் துவங்கியது.

🔱ரிலையன்ஸ் ஜியோ கடந்த ஆண்டு செப்டம்பர் மாதம் இலவச டேட்டா, இலவச வாய்ஸ்கால்களை அளிக்கும் திட்டத்தை வழங்கி பலரையும் ஆச்சர்யத்திலும், அதிர்ச்சியிலும் ஆழ்த்தியது.

📢ஜியோவின் அடுத்த அதிரடி : ஜியோ நிறுவனம் மீண்டும் மக்களை ஆச்சயர்த்திலும், மகிழ்ச்சியிலும் ஆழ்த்த உள்ளது. ரிலையன்ஸ் நிறுவனத்தின் அடுத்த அதிரடியாக
💰ரூ.0 விலையில் 4ஜி மொபைல் போன்கள் வழங்கப்படவுள்ளன. 4ஜி ஜியோ ஸ்மார்ட் போன் ரூ1,500 டெபாசிட்டுடன் இலவசமாக வழங்கப்படும் என ரிலையன்ஸ் குழும தலைவர் முகேஷ் அம்பானி அறிவித்துள்ளார். அனைவராலும் எதிர்பார்க்கப்பட்ட ஜியோ பீச்சர்போன் அறிமுகம் செய்யப்பட்டது. ரிலையன்ஸ் இன்டஸ்ட்ரீஸ் நிறுவனத்தின் ஆண்டு பொதுக் குழு கூட்டத்தில் அந்நிறுவன தலைவர் முகேஷ் அம்பானி எல்டிஇ வசதி கொண்ட ஜியோபோனினை அறிமுகம் செய்தார்.

📢புதிய ஜியோபோன் இந்தியாவின் 50 கோடி பீச்சர்போன் வாடிக்கையாளர்களுக்கு இண்டர்நெட் வசதி வழங்கும் நோக்கில் அறிமுகம் செய்யப்பட்டுள்ளதாக முகேஷ் அம்பானி தெரிவித்தார்.

📢எவ்வாறு வாங்குவது ?
ஜியோ 4ஜி மொபைல் போன் ரூ.0 விலையில் கிடைக்கும் என்று அறிவிக்கப்பட்டிருந்தாலும், இதனை வாங்க 1,500 ரூபாயை வைப்பு தொகையாக செலுத்த வேண்டும் என தெரிவிக்கப்பட்டுள்ளது.

இந்தத் தொகை 3 ஆண்டுகளில் திரும்பத் தரப்படும் என்று அறிவிக்கப்பட்டுள்ளது. எனவே ஜியோ 4ஜி மொபைல் போன் இலவசமாக கிடைக்க உள்ளது.

📢இலவச ஜியோ 4ஜி மொபைலுக்கான புக்கிங் வரும் ஆகஸ்ட் 24 முதல் தொடங்க உள்ளது. செப்டம்பர் மாதம் முதல் இது விற்பனைக்கு வரலாம் என தெரிகிறது.

📢ஜியோபோன் சிறப்பம்சங்கள் :

🌟4ஜி எல்டிஇ

⭐வாய்ஸ்

🌟கமான்ட்வசதி

🌟ஜியோ செயலி சப்போர்ட்

🌟பல மொழிகளில் இயக்கும் வசதி

🌟 எண் 5 அழுத்தி அவசர எஸ்எம்எஸ் அனுப்பும் வசதி

🌟விரைவில் என்.எஃப்.சி. வசதி

🌟வங்கி சேவைகளை இயக்கும் வசதி

🌟நம்பர் கீபேடுகள

🌟 2.4 இன்ச் டிஸ்பிளே

📻எஃப் எம் ரேடியோ

💡டார்ச் லைட்டு

📣 ஹெட்ஃபோன் ஜேக்

🔱எஸ்டி கார்டு ஸ்லாட்டு

🔱4 வழி நேவிகேஷன் சிஸ்டம்

📲 தொலைபேசி எண் சேகரிப்புகள்

📲 தொலைபேசி பதிவுகள

💦ஜியோ செயலிகள்

👀மாதந்தோறும் ரூ.153 செலுத்தினால் போன்கால்கள், எஸ்எம்ஸ், இணையவசதி இலவசம் என்று கூறப்பட்டுள்ளது. புதிய ஜியோபோன்களில் பயன்படுத்த இரண்டு சாஷெட் திட்டங்கள் அறிமுகம் செய்யப்பட்டுள்ளது. அதன்படி ரூ.24 செலுத்தி இரண்டு நாட்களும், 54 ரூபாய் செலுத்தி ஒரு வாரத்திற்கு ஜியோ சேவைகளை பயன்படுத்த முடியும். இந்தியாவில் புதிய ஜியோபோன் ஜியோ வாடிக்கையாளர்களுக்கு முற்றிலும் இலவசமாக வழங்கப்படுகிறது.

🐠🐬ஜியோபோன் வாங்குவோர் திரும்பப் பெறக்கூடிய ரூ.1,500 மட்டும் செலுத்தி புதிய ஜியோபோனினை வாங்க முடியும்.
👏மூன்று ஆண்டுகளுக்கு பின் இந்த தொகை திரும்ப வழங்கப்பட்டு விடும். மற்றும்

📡ஒரு அதிரடி : இதே போன்று ஜியோ ஃபோன் கேபிள் டிவியும் அறிமுகம் செய்யப்பட்டுள்ளது. இதன் மாத கட்டணம் ரூ.309. இந்த ஜியோ ஃபோன் கேபிள் டிவிடியை ஸ்டார்ட் டிவி மட்டுமல்லாது எந்த டிவியில் வேண்டுமானாலும் பொருத்திவிட்டு பெரியத்திரையில் தங்கள் விருப்ப வீடியோவை 3 முதல் 4 மணி நேரத்திற்கு பார்க்கலாம் என்பது ஜியோவின் மற்றுமொரு சிறப்பம்சம் ஆகும்.

Sunday, July 02, 2017

இளம் வாக்காளர் சேர்ப்பு முகாம் இன்று துவக்கம்

👫👆தமிழகம் முழுவதும், இளம் வாக்காளர்கள் சேர்ப்பு முகாம், இன்று துவங்குகிறது.தேர்தல் கமிஷன் உத்தரவுப்படி, 18 வயது முதல், 20 வயதிற்கு உட்பட்ட, இளம் வாக்காளர்களின் பெயரை, வாக்காளர் பட்டியலில் சேர்ப்பதற்கான சிறப்பு முகாம்,இன்று மாநிலம் முழுவதும் துவங்குகிறது. 

👆இளம் வாக்காளர்களை சேர்ப்பதற்காக, அனைத்து கல்லுாரிகள், பாலிடெக்னிக்குகள், ஆசிரியர் பயிற்சி நிறுவனங்கள் ஆகியவற்றில், தலா, ஐந்து பேரை தேர்வு செய்து, அவர்களுக்கு, வாக்காளர் பட்டியலில் பெயர் சேர்க்க, 'ஆன்லைனில்' எப்படி விண்ணப்பிப்பது என, பயிற்சி அளிக்கப்படுகிறது. பயிற்சி பெறும் மாணவர்கள், தங்கள் கல்வி நிறுவனங்களில், வாக்காளர் பட்டியலில், பெயர் சேர்க்காமல் உள்ளவர்களின் பெயர்களை சேர்ப்பர்.

 👆இதன்படி, 1999க்கு முன் பிறந்தவர்களின் பெயர், வாக்காளர் பட்டியலில் சேர்க்கப்படும். இது தவிர, அனைத்து ஓட்டுச்சாவடிகளிலும், ஜூலை, 9 மற்றும், 23ம் தேதி, நடக்கும் முகாம்களில் மாற்றுத் திறனாளிகளை சேர்க்க, அதிக கவனம் செலுத்தப்படும்.

All University UG and PG Syllabus

Follow by Email