Search This Blog

Monday, August 07, 2017

இன்றைய நடைமுறை வாழ்க்கை கதை

          
       😊👍🙏ஒரு கிராமம்.
சிறுவன் ஒருவன் ஏரிக்கரையில் விளையாடிக் கொண்டு இருக்கிறான்.

அப்போது, “என்னை காப்பாற்று, காப்பாற்று“ என்று ஓர் அலறல். ஆற்றோரத் தண்ணீரில், வலைக்குள் சிக்கி இருக்கும் முதலை ஒன்று சிறுவனைப் பார்த்துப் பரிதாபமாக கதறுகிறது.

’மாட்டேன். உன்னை விடுவித்தால் என்னை விழுங்கி விடுவாய். காப்பாற்ற மாட்டேன்’ என மறுக்கிறான் சிறுவன்.

ஆனால் முதலை, “நான் உன்னை சத்தியமாகச் சாப்பிட மாட்டேன். என்னை காப்பாற்று” என்று கண்ணீர் விடுகிறது.

முதலையின் பேச்சை நம்பி, சிறுவனும் வலையை அறுக்க ஆரம்பிக்கிறான். அறுத்து முடிப்பதற்குள், சிறுவனின் காலைப் பிடித்துக் கொண்டது .

”பாவி முதலையே இது நியாயமா? என்று சிறுவன் கண்ணீருடன் கேட்க,

“அதற்கென்ன செய்வது, பசி வந்தால் பத்தும் பறந்துவிடும். இதுதான் உலகம். இதுதான் வாழ்க்கை” என்று சொல்லிவிட்டு விழுங்க ஆரம்பித்தது முதலை.

சிறுவனுக்கு சாவது பற்றிக்கூட கவலை இல்லை. முதலை ஏமாற்றி விட்டதோடு மட்டும் அல்லாமல், நன்றிகெட்டதனத்தை, ’இதுதான் உலகம்’ என்று சொல்வதை அவனால் ஏற்றுக் கொள்ளமுடியவில்லை.

மரத்திலிருந்த பறவைகளைப் பார்த்துக் கேட்டான். இதுதான் உலகமா?. அதற்கு பறவைகள், ”எத்தனையோ பாதுகாப்பாக மரத்தின் உச்சியில் நாங்கள் முட்டையிடுகிறோம். ஆனாலும், பாம்புகள் முட்டைகளை குடித்து விடுகின்றன. அதனால், இதுதான் உலகம்” என்று சொல்கின்றன.

அங்கு மேய்ந்து கொண்டு இருக்கும் கழுதைகளைப் பார்த்து கேட்கின்றான். ”நாங்கள் இளமையாக இருந்த காலத்தில் அதிகபடியான சுமைகளை சுமக்க செய்து, அடித்து, சக்கையாக வேலை வாங்குகிறார்கள். எங்களுக்கு வயதாகி, நடை தளர்ந்தவுடன், தீனி போட முடியாது என்று விரட்டிவிடுவதால், முதலை சொல்வது சரிதான்” என்கின்றன.

ஆடுகளை கேட்கிறான். ”எங்களுக்கு இரை போட்டு வளர்ப்பவர்களே, எங்களை இரையாக்கி கொள்வதால், முதலை சொல்வது சரிதான்” என ஆமோதிக்கின்றன.

கடைசியாக ஒரு முயலைப் பார்த்துக் கேட்கின்றான். “இதுவல்ல உலகம். முதலை பிதற்றுகிறது” என முயல் சொல்ல, முதலைக்கு கோபம் வந்துவிடுகிறது.

‘சிறு முயல் உனக்கு என்ன தெரியும்?’ என்று முதலை சொல்லவும்,

’நீ பேசுவது சரியாக புரியவில்லை, தெளிவாக பேசு’ என்கிறது முயல்.

காலை விட்டால் சிறுவன் ஓடிவிடுவான் என்ற முதலையைப் பார்த்து, முயல் பெரிதாக சிரித்தது.

உன் வாலை வைத்து அவனை அடித்து விடமுடியாதா? ஒரே அடியில் அவனை வீழ்த்திவிடமுடியும் உன்னால் என்றவுடன், கர்வத்துடன் காலை விட்டுவிட்டு, இதுதான் உலகம் என பேச துவங்கியது முதலை.

முயல் சிறுவனைப் பார்த்து ‘நிற்காதே! ஓடிவிடு’ என்கிறது.

சிறுவன் ஓடிவிடுகிறான். வாலால் அடித்து விடலாம் என நினைத்த முதலைக்கு ஏமாற்றமாகப் போய்விடுகிறது, வலையில் சிக்கியிருக்கும் வால் பகுதியை விடுவிப்பதற்குள் சிறுவனை பிடித்தது நினைவுக்கு வருகிறது.

கோபத்துடன் முயலைப் பார்க்க, ”புரிந்ததா? இதுதான் உலகம். இதுதான் வாழ்க்கை” என்கிறது முயல்.

தப்பி ஓடிய சிறுவன் கிராமத்தினரை அழைத்துவர, அவர்கள் முதலையை கொன்றுவிடுகின்றனர்.

சிறுவனோடு வந்த வளர்ப்பு நாய், புத்திசாலி முயலை பாய்ந்து பிடிக்கிறது. சிறுவன் காப்பாற்றுவதற்குள் முயலை நாய் கொன்றுவிடுகிறது.

உயிராக வளர்த்த நாய்தான் என்றாலும், உயிரைக் காப்பாற்றிய முயலை கொன்றுவிட்டதை; அவனால் சகித்துக் கொள்ளமுடியவில்லை.
கல்லெடுத்து எறிந்து நாயை விரட்டிவிடுகிறான்.

உதவி செய்தவர்களுக்கு உபத்திரவம் ஏற்படுவதும், நேசித்தவர்களையே வெறுக்க நேரிடுவதும்  அவனை குழப்பிவிடுகிறது.

இதுதான் உலகமா?
இதுதான் வாழ்க்கையா? என்ற கேள்விக்கு பதில் சொல்வார் யாருமில்லை!.

முன்னுக்குப்பின் முரணனானதாகவும், எதிரும் புதிருமான நிகழ்வுகள்தான் வாழ்க்கை!.

அடுத்த நொடிகளில் நடக்க இருப்பது, அதிர்ச்சிகளா? ஆச்சரியங்களா? என அறியமுடியாமல் இருப்பதுதான் வாழ்க்கையின் சுவராஸ்யம்.

      "வாழ்க்கையை புரிந்துகொள்ளமுடியாது. புரிய வைக்கவும் முடியாது. (எதிர் வருவதை) எது நடந்தாலும் ஏற்றுக்கொண்டு, முன்னேறுவதுதான் வாழ்க்கை"....

நெட் தேர்வுக்கு 11 முதல் ஆன்லைனில் விண்ணப்பிக்கலாம்: ஆதார் எண் கட்டாயம்


நவம்பர் மாதம் நடைபெற உள்ள கல்லூரி ஆசிரியர் பணியில் சேருவதற்கான நெட் தகுதித் தேர்வுக்கான நெட் தேர்விற்கு ஆகஸ்ட் 11 விண்ணப்பிக்கலாம் என்று மத்திய இடைநிலைக் கல்வி வாரியம் (சிபிஎஸ்இ) அறிவித்துள்ளது.

பல்கலைக்கழகங்கள் மற்றும் கல்லூரிகளில் உதவி பேராசிரியர் பணியில் சேர்வதற்கும், ஆராய்ச்சி மாணவர்கள் மத்திய அரசின் இளநிலை ஆராய்ச்சி உதவித்தொகையை பெறுதற்கும் தேசிய அளவிலான நெட் என்கிற தகுதித்தேர்வை மத்திய இடைநிலைக் கல்வி வாரியமான சிபிஎஸ்இ நடத்துகிறது.

இந்தத் தேர்வானது வரும் நவம்பர் மாதம் 5 ஆம் தேதி ஞாயிற்றுக்கிழமை நடைபெற உள்ளது.  இதற்கு சி.பி.எஸ்.இ.  http://cbsenet.nic.in என்ற இணையதளம் மூலம் ஆன்லைனில் ஆகஸ்ட் 11 முதல் செப்டம்பர் 11 ஆம் தேதி வரை விண்ணப்பிக்கலாம்.


🍀செப்டம்பர் 12க்குள் கட்டணம் செலுத்தலாம்.

ஆன்லைன் விண்ணப்பத்தில் ஆதார் எண், பெயர், பிறந்த தேதி, பாலினம் உள்ளிட்ட விவரங்களைப் பதிவு செய்வது கட்டாயமாக்கப்பட்டுள்ளது. இதுவரை ஆதார் எடுக்காத விண்ணப்பதாரர்கள், உடனடியாக அதற்கு விண்ணப்பிப்பது அவசியமாகும்.

ஆகஸ்ட் 4 ஆம் தேதி இதுகுறித்த முழுமையான அறிவிப்பு வெளியிடப்படும் என தெரிவிக்கப்பட்டுள்ளது.

Monday, July 24, 2017

பாஸ்போர்ட் விண்ணபிக்க இனி இது தேவையில்லை!!


இனி பாஸ்போர்ட் பெற விண்ணப்பிப்பவர்கள் பிறப்பு சான்றிதழ் அளிக்க வேண்டிய அவசியம் இல்லை என மத்திய அரசு தெரிவித்துள்ளது.

பாஸ்போர்ட் பெற விண்ணப்பிப்பவர்கள், பிறப்புச் சான்றிதழை கட்டாயமாக வைக்க வேண்டும். இந்த வழிமுறை தற்போது மாற்றியமைக்கப்பட்டுள்ளது. 

பிறப்பு சான்றிதழுக்கு பதிலாகப் பிறந்த தேதியை உறுதிப்படுத்த ஆதார், பான் அட்டை அல்லது வாக்காளர் அடையாள அட்டை உள்ளிட்டவற்றை பயன்படுத்தலாம் என அறிவிக்கப்பட்டுள்ளது. 

மேலும், அரசு ஊழியர்களாக இருந்தால் பணி அனுபவச் சான்று, ஓய்வூதியச் சான்று போதுமானவை என தெரிவிக்கப்பட்டுள்ளது.

பாஸ்போர்டுக்காக ஆன்லைனில் விண்ணப்பம் செய்பவர்கள், தந்தை அல்லது தாயின் பெயரை மட்டும் குறிப்பிட்டால் போதுமானது. திருமணமானவர்கள் தங்களது திருமண சான்றிதழை விண்ணப்பத்தின் போது அளிக்கத் தேவையில்லை.

பாஸ்போர்ட் விண்ணப்பத்துடன் இணைக்கப்படும் சான்றுகள் 15-ல் இருந்து 9 ஆக குறைக்கப்பட்டுள்ளது என்பது குறிப்பிடத்தக்கது. 






Sunday, July 23, 2017

அச்சுறுத்தும் டெங்கு காய்ச்சலில் இருந்து எப்படி தப்பிக்கலாம்?


👉 பருவநிலை மாற்றத்தால் பலருக்கு உடல் நல குறைவு ஏற்படுகிறது. இதில் தற்போது அதிகமாக மக்களை தாக்கி வரும் நோய் தான் டெங்கு. டெங்கு காய்ச்சலானது பகலில் கடிக்கும் கொசுக்கள் மூலம் அதிகமாக பரவுகிறது.

👽டெங்கு என்றால் என்ன?

டெங்கு என்ற வைரஸ் நம் உடலைத் தாக்கும்போது ஏற்படும் காய்ச்சல்தான் பேச்சு வழக்கில் டெங்கு என அழைக்கப்படுகிறது. ஏடஸ் என்ற வகைக் கொசுக்களால் - குறிப்பாக ஏடஸ் எஜிப்டி (யுநனநள யநபலிவi) என்ற வகைக் கொசுவால் டெங்கு பரவுகிறது. இந்த கொசு அநேகமாக வீட்டினுள் பதுங்கி இருக்கும்.

இந்த கொசு மழை காலங்களில் இனபெருக்கம் செய்யும். மழை இல்லாத காலங்களில், தண்ணீர் தேங்கும் பூச்சாடிகள், பிளாஸ்டிக் பைகள், கேன்கள், தேங்காய் மட்டைகள், டயர்கள் போன்றவற்றில் இனப்பெருக்கம் செய்கிறது.

😷 டெங்கு அறிகுறிகள் :

🌟கொசு கடித்து நோய் வர 5 முதல் 15 நாள் வரை ஆகும்.

🌟ஆரம்பத்தில் குளிர் ஜுரம், தலைவலி, கண்ணை சுற்றி வலி, முதுகு வலி, பின்னர் கடுமையான கால் மற்றும் மூட்டு வலி போன்றவை வந்து சில மணி நேரத்தில் காய்ச்சல் வரும்.

🌟காய்ச்சல் 104 பாரன்ஹீட் வரை போகலாம். நாடித்துடிப்பு குறைதல், ரத்த அழுத்தம் குறைதல் போன்றவை ஏற்படும்.

டெங்கு காய்ச்சல் குணமாக : 👉 டெங்கு காய்ச்சலால் பாதிக்கப்பட்டவர்களுக்கு சிறந்த மருந்தாக பப்பாளி இலைச்சாறு, மலைவேம்பு இலைச்சாறு, நிலவேம்பு சாறு போன்றவைகளை அளித்தால், அவர்கள் மிக விரைவில் குணமடைவார்கள்.

எவ்வாறு தயாரிப்பது?

🍓பப்பாளி இலை சாறு :
👉 புதிதாக பறித்த பப்பாளி இலைகளை காம்புகளை அகற்றிவிட்டு சிறிதளவு தண்ணீர் ஊற்றி அரைத்து அதை வடிகட்டி கொள்ளவும். இதை 10 மில்லி என்ற கணக்கில் நாளொன்றுக்கு 4-5 முறை பருகி வர வேண்டும். இதனால் டெங்கு காய்ச்சலானது கட்டுப்படுத்தப்படும்.

🍃 மலைவேம்பு இலைச்சாறு :
👉 மலைவேம்பு இலைகளை சிறிது தண்ணீர் சேர்த்து அரைத்து வடிகட்டி எடுத்துக் கொள்ளவும். 10 மில்லி வீதம் தினமும் இரண்டு அல்லது மூன்று முறை பருக வேண்டும். மலைவேம்பு இலைச்சாறு டெங்கு வைரஸ்களை எதிர்க்கும் சக்தி கொண்டது.

🍂நிலவேம்பு குடிநீர் : 👉 நிலவேம்பு குடிநீர் என்பது நிலவேம்பு, சுக்கு, மிளகு, பற்படாகம், விலாமிச்சை, சந்தனம், பேய்புடல், கோரைக்கிழங்கு, வெட்டிவேர் ஆகியவற்றை தேவையான அளவு தண்ணீர் சேர்த்து கொதிக்க வைக்க வேண்டும். 50 மில்லி வீதம் நாளொன்றுக்கு இருவேளை அருந்த வேண்டும்.

இதுபோல, டெங்கு காய்ச்சலால் போராடிக் கொண்டிருப்பவர்களுக்கு கஞ்சி தான் மிகமிகச் சிறந்த உணவாகும்.

🍎நிறையப் பழச்சாறுகளைக் குடிப்பதாலும் டெங்கு காய்ச்சலிலிருந்து தப்பிக்கலாம்.

🍊அதிலும் வைட்டமின் சி அதிகமுள்ள ஸ்ட்ராபெர்ரி, கொய்யா, கிவி, பப்பாளி உள்ளிட்ட பழங்களின் சாற்றைக் குடிக்கலாம்.

🍲புரோட்டீன் அதிகமுள்ள உணவுகளை உண்பதாலும் டெங்கு காய்ச்சலை விரட்டலாம்.

🍳பால், முட்டை, மீன், சிக்கன் ஆகியவற்றை சாப்பிடுவது நலம்.

🍢புரோட்டீன் அதிகமுள்ள உணவுகளை உண்பதாலும் டெங்கு காய்ச்சலை விரட்டலாம்.

🌴 இளநீரை நிறையக் குடிப்பதாலும் டெங்கு காய்ச்சல் விரைவில் குணமாகும்.
மேற்கண்ட முறைகளின் மூலம் டெங்கு காய்ச்சலை கட்டுப்படுத்த முடியும்.

👆 நாம் போராட வேண்டியது மனிதர்களிடம் இல்லை...! கொசுக்களிடம் !

👀விழித்திரு மனிதா!

💀இந்த டெங்குவில் இருந்து தப்பிக்க...! !

அசத்தும் ஜியோவின் அடுத்த அதிரடி !

😃😊😄🍀🐔🐵🙈🙉

🔱 தகவல் தொடர்புத் துறையில் கடந்த ஆண்டு செப்டம்பர் மாதம் துவங்கப்பட்ட ரிலையன்ஸ் ஜியோ இலவச சேவையால் இந்திய டெலிகாம் சந்தையில் சேவைகளின் விலை குறையத் துவங்கியது.

🔱ரிலையன்ஸ் ஜியோ கடந்த ஆண்டு செப்டம்பர் மாதம் இலவச டேட்டா, இலவச வாய்ஸ்கால்களை அளிக்கும் திட்டத்தை வழங்கி பலரையும் ஆச்சர்யத்திலும், அதிர்ச்சியிலும் ஆழ்த்தியது.

📢ஜியோவின் அடுத்த அதிரடி : ஜியோ நிறுவனம் மீண்டும் மக்களை ஆச்சயர்த்திலும், மகிழ்ச்சியிலும் ஆழ்த்த உள்ளது. ரிலையன்ஸ் நிறுவனத்தின் அடுத்த அதிரடியாக
💰ரூ.0 விலையில் 4ஜி மொபைல் போன்கள் வழங்கப்படவுள்ளன. 4ஜி ஜியோ ஸ்மார்ட் போன் ரூ1,500 டெபாசிட்டுடன் இலவசமாக வழங்கப்படும் என ரிலையன்ஸ் குழும தலைவர் முகேஷ் அம்பானி அறிவித்துள்ளார். அனைவராலும் எதிர்பார்க்கப்பட்ட ஜியோ பீச்சர்போன் அறிமுகம் செய்யப்பட்டது. ரிலையன்ஸ் இன்டஸ்ட்ரீஸ் நிறுவனத்தின் ஆண்டு பொதுக் குழு கூட்டத்தில் அந்நிறுவன தலைவர் முகேஷ் அம்பானி எல்டிஇ வசதி கொண்ட ஜியோபோனினை அறிமுகம் செய்தார்.

📢புதிய ஜியோபோன் இந்தியாவின் 50 கோடி பீச்சர்போன் வாடிக்கையாளர்களுக்கு இண்டர்நெட் வசதி வழங்கும் நோக்கில் அறிமுகம் செய்யப்பட்டுள்ளதாக முகேஷ் அம்பானி தெரிவித்தார்.

📢எவ்வாறு வாங்குவது ?
ஜியோ 4ஜி மொபைல் போன் ரூ.0 விலையில் கிடைக்கும் என்று அறிவிக்கப்பட்டிருந்தாலும், இதனை வாங்க 1,500 ரூபாயை வைப்பு தொகையாக செலுத்த வேண்டும் என தெரிவிக்கப்பட்டுள்ளது.

இந்தத் தொகை 3 ஆண்டுகளில் திரும்பத் தரப்படும் என்று அறிவிக்கப்பட்டுள்ளது. எனவே ஜியோ 4ஜி மொபைல் போன் இலவசமாக கிடைக்க உள்ளது.

📢இலவச ஜியோ 4ஜி மொபைலுக்கான புக்கிங் வரும் ஆகஸ்ட் 24 முதல் தொடங்க உள்ளது. செப்டம்பர் மாதம் முதல் இது விற்பனைக்கு வரலாம் என தெரிகிறது.

📢ஜியோபோன் சிறப்பம்சங்கள் :

🌟4ஜி எல்டிஇ

⭐வாய்ஸ்

🌟கமான்ட்வசதி

🌟ஜியோ செயலி சப்போர்ட்

🌟பல மொழிகளில் இயக்கும் வசதி

🌟 எண் 5 அழுத்தி அவசர எஸ்எம்எஸ் அனுப்பும் வசதி

🌟விரைவில் என்.எஃப்.சி. வசதி

🌟வங்கி சேவைகளை இயக்கும் வசதி

🌟நம்பர் கீபேடுகள

🌟 2.4 இன்ச் டிஸ்பிளே

📻எஃப் எம் ரேடியோ

💡டார்ச் லைட்டு

📣 ஹெட்ஃபோன் ஜேக்

🔱எஸ்டி கார்டு ஸ்லாட்டு

🔱4 வழி நேவிகேஷன் சிஸ்டம்

📲 தொலைபேசி எண் சேகரிப்புகள்

📲 தொலைபேசி பதிவுகள

💦ஜியோ செயலிகள்

👀மாதந்தோறும் ரூ.153 செலுத்தினால் போன்கால்கள், எஸ்எம்ஸ், இணையவசதி இலவசம் என்று கூறப்பட்டுள்ளது. புதிய ஜியோபோன்களில் பயன்படுத்த இரண்டு சாஷெட் திட்டங்கள் அறிமுகம் செய்யப்பட்டுள்ளது. அதன்படி ரூ.24 செலுத்தி இரண்டு நாட்களும், 54 ரூபாய் செலுத்தி ஒரு வாரத்திற்கு ஜியோ சேவைகளை பயன்படுத்த முடியும். இந்தியாவில் புதிய ஜியோபோன் ஜியோ வாடிக்கையாளர்களுக்கு முற்றிலும் இலவசமாக வழங்கப்படுகிறது.

🐠🐬ஜியோபோன் வாங்குவோர் திரும்பப் பெறக்கூடிய ரூ.1,500 மட்டும் செலுத்தி புதிய ஜியோபோனினை வாங்க முடியும்.
👏மூன்று ஆண்டுகளுக்கு பின் இந்த தொகை திரும்ப வழங்கப்பட்டு விடும். மற்றும்

📡ஒரு அதிரடி : இதே போன்று ஜியோ ஃபோன் கேபிள் டிவியும் அறிமுகம் செய்யப்பட்டுள்ளது. இதன் மாத கட்டணம் ரூ.309. இந்த ஜியோ ஃபோன் கேபிள் டிவிடியை ஸ்டார்ட் டிவி மட்டுமல்லாது எந்த டிவியில் வேண்டுமானாலும் பொருத்திவிட்டு பெரியத்திரையில் தங்கள் விருப்ப வீடியோவை 3 முதல் 4 மணி நேரத்திற்கு பார்க்கலாம் என்பது ஜியோவின் மற்றுமொரு சிறப்பம்சம் ஆகும்.

Sunday, July 02, 2017

இளம் வாக்காளர் சேர்ப்பு முகாம் இன்று துவக்கம்

👫👆தமிழகம் முழுவதும், இளம் வாக்காளர்கள் சேர்ப்பு முகாம், இன்று துவங்குகிறது.தேர்தல் கமிஷன் உத்தரவுப்படி, 18 வயது முதல், 20 வயதிற்கு உட்பட்ட, இளம் வாக்காளர்களின் பெயரை, வாக்காளர் பட்டியலில் சேர்ப்பதற்கான சிறப்பு முகாம்,இன்று மாநிலம் முழுவதும் துவங்குகிறது. 

👆இளம் வாக்காளர்களை சேர்ப்பதற்காக, அனைத்து கல்லுாரிகள், பாலிடெக்னிக்குகள், ஆசிரியர் பயிற்சி நிறுவனங்கள் ஆகியவற்றில், தலா, ஐந்து பேரை தேர்வு செய்து, அவர்களுக்கு, வாக்காளர் பட்டியலில் பெயர் சேர்க்க, 'ஆன்லைனில்' எப்படி விண்ணப்பிப்பது என, பயிற்சி அளிக்கப்படுகிறது. பயிற்சி பெறும் மாணவர்கள், தங்கள் கல்வி நிறுவனங்களில், வாக்காளர் பட்டியலில், பெயர் சேர்க்காமல் உள்ளவர்களின் பெயர்களை சேர்ப்பர்.

 👆இதன்படி, 1999க்கு முன் பிறந்தவர்களின் பெயர், வாக்காளர் பட்டியலில் சேர்க்கப்படும். இது தவிர, அனைத்து ஓட்டுச்சாவடிகளிலும், ஜூலை, 9 மற்றும், 23ம் தேதி, நடக்கும் முகாம்களில் மாற்றுத் திறனாளிகளை சேர்க்க, அதிக கவனம் செலுத்தப்படும்.

பான் கார்டு – ஆதார் இணைப்பு புதிய படிவம் வெளியிட்டது வரித்துறை!!!

பான் என்னும் நிரந்தர கணக்கு எண்ணுடன் ஆதார் எண்ணை இணைப்பதற்கு, புதிய, ஒரு பக்க படிவத்தை வருமான வரித் துறை வெளியிட்டுள்ளது.

😳மக்கள் பீதி
 ‘ஜூலை 1க்குள், நிரந்தர கணக்கு எண்ணுடன், ஆதார் எண்ணை இணைக்காதோரின் பான் கார்டுகள் முடக்கப்படும்’ என, சமூக வலைதளங்களிலும், சில இணையதளங்களிலும் தகவல் வெளியானதையடுத்து, பொதுமக்கள் பீதியடைந்தனர்.அவர்களின் பீதியை போக்கும் வகையில், ‘ஆதார் எண் இணைக்காதவர்களின் பான் எண் முடக்கப்படாது என்றும், தொடர்ந்து இணைக்கலாம்’ என, வருமான வரித்துறை அறிவித்தது. ஏற்கனவே அறிவிக்கப்பட்ட முறையில் பான் எண்ணுடன் ஆதார் எண்ணை இணைக்க முடியாதவர்கள், நேரடியாக இணைப்புக்கு விண்ணப்பிக்கும் வகையில், ஒரு பக்க படிவத்தை வருமான வரித் துறை நேற்று வெளியிட்டது.

இது குறித்து வருமான வரித்துறை அதிகாரிகள் கூறியதாவது:ஏற்கனவே அறிவிக்கப்பட்ட முறையில், பான் எண்ணுடன் ஆதாரை இணைக்க முடியாதவர்கள் மற்றும் இணையதளவசதி இல்லாதவர்களுக்காக, புதிய, ஒரு பக்க படிவம் வெளியிடப்பட்டுள்ளது. இந்த படிவத்தில் கேட்கப்பட்ட விபரங்களை நிரப்பி, அத்துடன், ‘என்னிடம் ஒரு பான் எண் மட்டும் உள்ளது.

அதனுடன் மட்டுமே என்னுடைய ஆதார் எண்ணை இணைக்கிறேன்’ என்ற உறுதிமொழியையும் சமர்ப்பிக்க வேண்டும்.2.62 கோடி பேர்நாடு முழுவதும், 115 கோடி பேருக்கு ஆதார் எண்ணும், தனி நபர், நிறுவனம் உள்ளிட்ட, 25 கோடி பேருக்கு, பான் எண்ணும் வழங்கப்பட்டுள்ளது; இதுவரை 2.62 கோடி பேர், பான் எண்ணுடன் ஆதார் எண்ணை இணைத்துள்ளனர்.இவ்வாறு அவர்கள் கூறினர்.

Posted by kalviseithi.net 

Saturday, July 01, 2017

ஜிஎஸ்டி அறிமுகம்: எந்தெந்த பொருட்களுக்கு எத்தனை சதவீதம் வரி

இன்று முதல் வரலாற்று சிறப்புமிக்க ஜிஎஸ்டி வரி இந்தியாவில் அறிமுகமாகியுள்ளது. இன்று அதிகாலை 12 மணிக்கு முறைப்படி இந்திய பாராளுமன்றத்தில் இந்த வரிவிதிப்பு அமல்படுத்தப்பட்டது. இந்த நிலையில் இந்த வரிவிதிப்பு முறையால் எந்தெந்த பொருட்களுக்கு குறைந்த வரி, எந்தெந்த பொருட்களுக்கு அதிக வரி என்பதை பார்ப்போம்

வரிவிலக்கு பெற்ற பொருட்கள்:

பால், உப்பு, காய்கறிகள், பருப்பு வகைகள், முட்டை, மாவு, இறைச்சி, மீன், தேங்காய், லஸ்ஸி, தயிர், வெல்லம், இளநீர், பிரசாதம், தேங்காய் நார், விலங்குகள் விற்பனை, செய்தித்தாள், காது கேட்கும் கருவி, கச்சா பட்டு, பருத்தி,கல்வி, மருத்துவம், உயிர்காக்கும் ரத்தம், பதப்படுத்தப்படாத தேயிலை, பார்வையற்றோருக்கான பிரெய்லி புத்தகங்கள், குழந்தைகளுக்கான ஓவியப்புத்தகம் மற்றும் ஒருசில பொருட்கள்.

5% வரி விதிக்கப்பட்ட பொருட்கள்:

சர்க்கரை, சமையல் எண்ணெய், பால் பவுடர், குழந்தைகளுக்கான பால் பொருட்கள், பேக்கிங் செய்யப்பட்ட பனீர், முந்திரி பருப்பு, தேயிலை, வறுக்கப்பட்ட காபிக் கொட்டைகள், ரெய்சின், ரேஷன் மண்எண்ணெய், கியாஸ், செருப்பு(ரூ.500வரை), ஆடைகள் (ரூ.1000 வரை), அகர்பத்தி, தென்னைநார் விரிப்பு

18% வரி விதிக்கப்பட்ட பொருட்கள்:

பாஸ்தா, கார்ன் பிளேக்ஸ், சூப், தலைக்கு தேய்க்கும் எண்ணெய், டூத் பேஸ்ட், சோப், பிஸ்கட்ஸ், கேக், ஜாம், இன்ஸ்டன்ட் உணவுகள், மினரல் வாட்டர், ஐஸ் க்ரீம், கம்ப்யூட்டர்கள், பிரின்டர், ஏ.சி. ரெஸ்டாரன்ட்களில் சாப்பிடுதல்,

கேமிரா, ஸ்பீக்கர்,, எடை எந்திரம், சி.சி.டி.வி, ஆப்டிகர் பைபர், டிஷ்யூ பேப்பர், நோட்டுகள், உருக்கு பொருட்கள், உணவுகள் பேக்கிங் செய்யும் அலுமினியம் பாயில்பேப்பர்மூங்கில் பர்னிச்சர்ஸ், நீச்சல் குளத்தில் குளிப்பது, மசாலா பேஸ்ட், காகித கவர்கள், ரூ.500க்கும் மேலான காலணிகள்

28% வரி விதிக்கப்பட்ட பொருட்கள்:

சாக்கலேட், பான் மசாலா, குளிர்பானங்கள், பீடி, சூயிங்கம், ஆட்டோமொபைல்ஸ், மோட்டார் சைக்கிள், வாட்டர் ஹீட்டர், வாஷிங்மெஷின், ஏ.டி.எம். சேவை, வாக்கூம் கிளீனர், சேஷிங் செய்யும் எந்திரம்(டிரிம்மர்ஸ்), மொலாசஸ் , பெயிண்ட், டியோடரன்ட்ஸ், சேவிங் கிரீம், தலைக்கு அடிக்கும் டை, சன்ஸ்கீரீன், வால்பேப்பர், செராமிக் டைல்ஸ், ஹேர் கிளிப், தனிப்பட்ட முறையில் பயன்படுத்தும் விமானம்.

வங்கிகளில் 14192 அதிகாரி, அலுவலக உதவியாளர் வேலை: ஐபிபிஎஸ் தேர்வு வாரியம் அறிவிப்பு

http://isghelpinghands.blogspot.in/2017/07/14192.html?m=1

Saturday, June 10, 2017

பாலில் கலப்படம்:நாம் வீட்டிலேயே கண்டறிவது எப்படி?

நாம் வாங்கும் பால் தரமானதா? அது பால்தானா என்பதை வீட்டிலேயே எளிய முறையில் பரிசோதிக்கும் வழிமுறைகள் விளக்கப்பட்டுள்ளன.

 தனியார் நிறுவனப் பாலில் ரசாயனம் கலப்பதாக தமிழக பால் வளத்துறை அமைச்சர் ராஜேந்திர பாலாஜி குற்றம்சாட்டியிருந்தார். இது குறித்து நீதிமன்றத்தில் பொது நலன் வழக்கும் தொடரப்பட்டுள்ளது.

இந்த நிலையில், மதுரையில் பாலின் தரத்தை அறிய பால் தரப்பரிசோதனை மையங்கள் ஏற்படுத்தப்பட்டுள்ளன. ஏராளமான பொது மக்களும் தனியார் நிறுவனங்களும் பாலைக் கொண்டு வந்து தரத்தை அறிந்து செல்கின்றன.

நமக்கு அந்த வசதி இல்லையே ஏங்குபவர்களுக்கு உணவு பொருள் பாதுகாப்பு நிபுணர் ஒருவர், பாலின் தரத்தை வீட்டிலேயே எளிதாக அறியும் வழிமுறைகளை தொலைக்காட்சி ஒன்றில் விளக்கியுள்ளார்.

அதாவது முதல் சோதனை,
பாலில் தண்ணீர் கலப்பதை கண்டறிய - பாலில் தண்ணீர் கலப்படம் செய்திருப்பதை லேக்டோ மீட்டர் மூலம் கண்டுபிடித்துவிடலாம். பாலில் லேக்டோ மீட்டரை வைத்தால் அது 1.026 எண்ணுக்குக் கீழே காட்டினால் தண்ணீர் கலப்படம் செய்யப்பட்டிருப்பதை உறுதி செய்யலாம். இதில் ஒரே ஒரு ஆறுதல் பாலில் தண்ணீர் கலந்தால் நமக்கு பண இழப்பு தானே தவிர, உடலுக்கு ஒரு கெடுதலும் இல்லை. அதில்லாமல் தற்போது பால் விலைக்கு ஏற்ப தண்ணீரும் விற்பதால் அதிக நஷ்டம் இல்லை என்றும் ஆறுதல் கொள்ளலாம்.

பாலில் மாவு பொருட்கள் கலந்திருந்தால் - இதனைக் கண்டறிய சிறிது பாலில் ஒரு சில சொட்டு டிஞ்சர் சேர்த்தால் உடனடியாக பால் நீல நிறத்தில் மாறும். அப்படியானால் அது மாவு பொருள் கலப்படம் செய்யப்பட்ட பால் என்பதை உறுதி செய்து கொள்ளலாம்.

டிஞ்சர் இல்லாமலும் இதனை சோதிக்கலாம். அதாவது, வழுவழுப்பான தரையில் சுத்தமான பாலை ஒரு சில துளிகள் விட்டால் அது அப்படியே தரையில் இருக்கும். ஆனால் மாவு கலந்த பாலை விட்டால் அது மாவின் கனத்தினால் தரையில் ஓடும்.

சோப்புத்தூள் கலந்திருந்தால்?

பால் பொங்கும் போது அதிகம் நுரை வருவதற்காக அதில் சோப்புத் தூள் கலந்திருந்தால், அதையும் எளிதாகக் கண்டுபிடித்து விடலாம். அதாவது ஒரு சிறிய கண்ணாடி குடுவையில் பாலை ஊற்றி நன்கு குலுக்கினால் நுரை வரும். வெறும் பாலாக இருந்தால் சிறிது நேரத்தில் அந்த நுரை தானாகவே போய் விடும். ஆனால், சோப்புத் தூள் கலந்த பாலாக இருப்பின் அந்த நுரை போகாது. அப்படியே இருக்கும். பால் கொதிக்கும் போது அதிகமாக நுரை வந்தாலும் அதில் சோப்புத் தூள் கலக்கப்பட்டிருக்கலாம் என்பதை அறியுங்கள்.

சுத்தமான பாலை இரண்டு ஸ்பூன் எடுத்து அதில் எலுமிச்சை சாறு கலந்தால், அந்த பால் உடனே திரிந்து விடும். ஆனால், கலப்பட பால் திரியாது.

பாலில் ரசாயனப் பொருட்கள் கலந்திருந்தால் அதனை பிஎச் காகிதம் கொண்டு கண்டு பிடித்து விடலாம். பிஎச் காகிதம் என்று கேட்டால் தற்போது பல கடைகளில் கிடைக்கிறது. சிறிய காகிதத் துண்டுகள் போல இருக்கும். அதில் அளவீடுகளும் இருக்கும்.

ஒரு பாலை இந்த பிஎச் காகிதம் கொண்டு பரிசோதித்தால், அது பிஎச் 6.5 என்ற அளவில் இருக்க  வேண்டும்.  அல்லது 6.4 ஆகவும் இருக்கலாம். 6க்கும் குறைவாக இருந்தால் நிச்சயம் அது அமிலம் கலந்த பாலாக இருக்கலாம்.

ஒரு சிறிய டம்ளரில் பாலை எடுத்து அதில் பிஎச் காகிதத்தைப் போட்டால் காகிதம் பச்சை நிறமாக மாறினால் அது நல்ல பால். அதுவே, மஞ்சள் அல்லது ஆரஞ்சு, வெளிர் மஞ்சள் நிறத்தில் இருந்தால் அது ரசாயனம் கலந்த பால் என்பதை உறுதி செய்யலாம் என்று கூறுகிறார்கள்.

All University UG and PG Syllabus

Follow by Email